صحيفة نبض الشعب الاسبوعيه رئيس التحرير جعفر الخابوري

"ويمنعون الماعون"

عارف يعنى إيه ؟
•يعني حد ناوي يُخرج صدقة لوجه الله فتقوله بدون بينة:
《 أنا مش مستريح للناس دي》
فيشك فيهم ويغير رأيه.

• يعني واحد جايله زيادة في مرتبه، فنقف له فيها و نقلب عليه المدير.

• يعني زوجة نفسها تجيب هدية لزوجها،
صديقتها تقولها:
《مالك مرمية عليه قوي كدا ليه! 》 فتخليها ما تجيبلوش حاجة وتتغير معاه!

• يعني زوج يحب يكرم زوجته وحد يمنعه بحجة الشدة وعدم الإسراف...فيضيق علي أهل بيته ويحرمهم.

• يعني اثنين اخوات في الله بيسعوا في الخير والبر، فنحذر أحدهم من ان الآخر بيغير منه وبيحسده............ يخسرو بعض.

• يعني واحد ناوي يتقدم لواحده فاللي حواليهم ينزغوا بينهم بالنميمة حسدًا.....ويوقفو حال البنت .

يعني إيه "ويمنعون الماعون"؟
يعني ربنا يهيئ لناس أسباب الخير واحنا اللي نسعى في منعه من أجل الهوى.

{ فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ * الَّذِينَ هُمْ يُرَاءُونَ * ويمنعون الماعون*}
ولقد توعّد الله من يفعل ذلك بالويل (جهنم) مع إنه قد يكون بيصلي الصلوات الخمس فيما يبدو للناس.

اللهمَّ أحفظنا منهم يارب🤲